Fumar durante o embarazo tamén eleva as probabilidades de ter un parto de feto morto, un parto prematuro ou un bebé con baixo peso ao nacer.

Un novo estudo achega ás mulleres un motivo máis para deixar de fumar antes de quedar embarazadas: reducir o risco de sufrir un aborto espontáneo. Nun estudo sobre case 1.300 xaponesas que tiveran un embarazo, os autores/as acharon que as grandes fumadoras ao comezo do embarazo eran dúas veces máis propensas que as non fumadoras a ter un aborto espontáneo no primeiro trimestre.

Ademais de elevar outros riscos como o de ter un parto de feto morto, un parto prematuro ou un bebé con baixo peso ao nacer, o novo estudo, publicado na revista Human Reproduction, apoia a asociación entre tabaquismo e a perda do bebé.

O 2 de xaneiro entrou en vigor a nova lei do tabaco que prohibe fumar en todos os espazos públicos pechados e nalgúns ao aire libre, como parques e lugares de lecer infantil, colexios e recintos hospitalarios.

A norma, impulsada pola anterior ministra, Trinidad Ximénez, e aprobada en setembro no Congreso dos Deputados na súa versión máis restritiva, dá prioridade á prevención do tabaquismo en menores, atrasando a idade de inicio do consumo, e á protección dos fumadores/as pasivos/as, sobre todo aos traballadores/as da hostalaría.

Así mesmo, a nova lei fixa que as administracións públicas deberán "promover" programas para a deshabituación tabáquica -sobre todo en atención primaria- e "potenciar" o acceso a tratamentos e crear unidades de deshabituación tabáquica.

Químicos/as españois participan no desenvolvemento dun medicamento que xa superou dúas fases clínicas.

Unha proteína que o propio organismo produce de forma natural para defenderse dos virus ofrece a clave para combater a SIDA de forma máis eficaz. O péptido, denominado VIRIP, é a base sobre a que se deseñou un fármaco que xa se probou con éxito en ensaios clínicos en humanos en fase I e II e que podería estar listo no mercado nun prazo de cinco anos. A diferenza dos antirretrovirais convencionais, o novo medicamento apenas presenta efectos secundarios e é capaz de escapar á cada vez maior resistencia que opón o virus VIH aos fármacos habituais que tratan de impedir que penetre e infecte á célula.

O Ministerio de Sanidade, Política Social e Igualdade, en colaboración co Instituto da Muller, realiza unha campaña para a prevención de embarazos non desexados en adolescentes e en mozos/as.

A directora xeral do Instituto da Muller, Laura Seara, acompañada do director xeral do Instituto da Mocidade, Gabriel Alconchel, presentou unha campaña institucional para a prevención dos embarazos non desexados entre adolescentes e mozos/as que se iniciou o día 13, e emitirase ao longo do mes de decembro.

Os obxectivos da campaña son a educación para promover unha sexualidade máis sa e segura, a prevención de embarazos non desexados e a protección contra a SIDA e as enfermidades de transmisión sexual, pondo ao alcance de adolescentes e mozos/as unha información suficiente e adecuada.

Devanditos obxectivos enmárcanse no cumprimento das obrigacións dos poderes públicos, establecidos na Lei de Saúde Sexual e Reprodutiva e da Interrupción Voluntaria do Embarazo, de garantir a educación afectivo-sexual e reprodutiva e a información sobre anticoncepción e sexo seguro, especialmente a prevención de embarazos non desexados na mocidade.

O último informe do Programa Conxunto das Nacións Unidas sobre o VIH/SIDA (ONUSIDA), mostra que a epidemia de SIDA está a comezar a estabilizarse, cun descenso significativo das novas infeccións e os falecementos relacionados co VIH a nivel mundial.

En concreto, os datos do Informe de ONUSIDA sobre a epidemia mundial de SIDA 2010 mostran que, en 2009, uns 2,6 millóns de persoas infectáronse por primeira vez co VIH, unha cifra case un 20% inferior aos 3,1 millóns de 1999. Así mesmo, estímase que 1,8 millóns de persoas faleceron en 2009 como consecuencia desta enfermidade, preto dun 20% menos que os 2,1 millóns que morreron en 2004.

Cada 1 de decembro, Día Mundial de Loita Contra a SIDA, persoas de todo o mundo suman esforzos para xerar unha maior conciencia do que supón o VIH/SIDA e mostrar solidariedade internacional ante a pandemia. Este evento brinda a todos os/as copartícipes, tanto públicos como privados, unha das máis oportunidades máis claras para dar a coñecer a situación e impulsar avances en materia de prevención, tratamento e atención aos afectados/as nos países con elevada prevalencia e tamén no resto do mundo.

A Asociación Renacer levará a cabo unha serie de actos informativos o vindeiro 1 de decembro. Estes actos están dirixidos á poboación en xeral e a mocidade en particular, tentando concienciar acerca da importancia da prevención na loita contra a SIDA e a de involucrarse na súa detección precoz.

Instalaranse diversas mesas informativas na rúa peonil do concello e nos tres institutos de ensinanza secundaria, nas que se repartirán lazos vermellos, material informativo e preservativos. Ademais no IES Nº 1 para achegar tamén a información ás persoas que acoden á ensinanza de adultos en horario de tarde impartirase unha charla sobre sexualidade e SIDA, trala que se colocará outra mesa informativa.

Estas actividades englobánse no programa de prevención do VIH-SIDA e outras ITS da Asociacion Renacer e complementan a labor que se está a levar a cabo cos mozos e mozas nos centros de ensino secundario a través de diversos obradoiros de Educación Afectivo-Sexual e Sexo Seguro.

Dentro do actos programados dende a nosa entidade con motivo da conmemoración do vixésimo aniversario, vanse desenvolver dúas mesas redondas. Ámbalas dúas terán lugar no Ateneo Valle-Inclán, ás 20:00 horas, no trasncurso deste mes.

A Asociación Antidroga Renacer cumpre este ano 2010 o seu vixésimo aniversario (1990–2010), traballando no campo da prevención das drogodependencias e na inserción social dos afectados/as.

Para conmemorar os vinte anos de traballo vamos a organizar diversos actos, entre os que destaca a cea benéfica o vindeiro día doce de novembro.

A Asociación Antidroga RENACER pon en funcionamento este mes a XVII Escola de Pais/Nais correspondente ó curso 2010/2011.

Así, a XVII Escola de Pais e Nais será un espazo de información, formación e reflexión dirixido a pais e nais, sobre aspectos relacionados coas funcións parentais. Un recurso de apoio ás familias con menores para que poidan desenvolver axeitadamente a súas funcións educativas e socializadoras, superar situacións de necesidade e risco,e contribuír a modificacións de condutas e a adquisición de pautas saudables de dinámica familiar.

Segundo un traballo presentado no Congreso da Sociedade Respiratoria Europea, o 8% restante débese á predisposición xenética dos afectados/as.

O estudo CanCORS, presentado no congreso da Sociedade Respiratoria Europea, celebrado a semana pasada en Barcelona, demostra a clara vinculación entre o tabaco e o cancro de pulmón. Concretamente, conclúe que, entre un total de 3.885 pacientes con este tipo de cancro, o 92% é ou era fumador/a, mentres que tan só un 8% non o era.