Menú Principal
Encóntrase en:
Prevención do VIH/SIDA
O presente programa vai dirixido á poboación xeral dado que calquera pode infectarse e a prevención depende do comportamento de cada un/unha.
Para potenciar a efectividade do mesmo fanse intervencións específicas en diferentes ámbitos, que poden ser considerados como máis vulnerables: adolescentes, mulleres, usuarios de drogas por vía parenteral e persoas que exercen a prostitución.
Obxectivos xerais
- Xerar un espazo para a construción e a aprendizaxe de habilidades, valores, normas e actitudes que permitan á comunidade reflexionar e capacitala para afrontar situacións de xestión da saúde, facendo énfase na sexual.
- Potenciar a comunidade como axente preventivo na transmisión do VIH/SIDA e outras ITS.
Obxectivos específicos
- Mellorar a calidade de vida da comunidade.
- Incrementar e mellorar o coñecemento sobre os mecanismos de transmisión do VIH.
- Dar a coñecer as prácticas de risco ante o VIH e outras ITS.
- Informar sobre as ferramentas existentes para a prevención.
- Favorecer o uso do preservativo, masculino e feminino.
- Dar a coñecer e adestrar en habilidades para negociar un sexo máis seguro.
- Diminuír o risco de infeccións de transmisión sexual e do VIH/SIDA.
- Fomentar a detección precoz do VIH e outras ITS.
- Informar e fomentar o acceso a recursos sociosanitarios.
Metodoloxía
A metodoloxía empregada é activa e flexible, establecéndose unha comunicación bidireccional e fluída, e adaptándose ás necesidades e circunstancias dos usuarios/as. Estará orientada a promover cambios de hábitos e actitudes que permitan mellorar a calidade de vida a través da información (clara e adaptada ó nivel dos destinatarios/as), o consello (intervencións individuais orientadas a ofrecer alternativas válidas e individualizadas ás súas necesidades e demandas) e as dinámicas grupais (role-playing e adestramento en habilidades específicas).
Destinatarios/as
Todas aquelas persoas interesadas na participación no mesmo do Concello de Riveira e da zona do Barbanza. Atendendo prioritariamente a adolescentes, pais e nais, mulleres, UDVP e PEP.
Temporalización
O programa desenvólvese ó longo de todo o ano.
