Reforma da Lei Orgánica de Saúde Sexual e Reprodutiva

Moza en estado de xestación

21/12/2009

O Pleno do Congreso aprobou o pasado xoves 17 de novembro o proxecto de reforma da Lei Orgánica de Saúde Sexual e Reprodutiva e da Interrupción Voluntaria do Embarazo, que sitúa nos 16 anos a maioría de idade para decidir sobre a interrupción do embarazo e liberalízao ata as 14 semanas, con 184 votos a favor, 158 en contra e unha abstención. Xa se presentara sobre a mesma un anteproxecto no mes de maio deste mesmo ano.

No texto, modificado por sete partidos, destaca a emenda acordada entre o PSOE e o PNV para que as mozas de 16 e 17 anos teñan que informar ós seus pais/nais da súa decisión de abortar, excepto nos casos nos que poida suporlles "violencia intrafamiliar, ameazas, coaccións ou malos tratos".

Regúlase ademais a obxección de conciencia dos médicos/as, nun intento de mellorar a calidade asistencial da práctica do aborto en todo o Sistema Nacional de Saúde.

A formación sexual formará parte da educación xeral dos/as escolares e os/as profesionais sanitarios estudarán na Universidade a interrupción voluntaria do embarazo.

A portavoz de Igualdade do PSOE, Carme Chea, declarou na súa intervención que "a libre maternidade para as mulleres" converteuse en "un dereito" e deixou de ser, con este proxecto de Lei, "un permiso supeditado á decisión de terceiros". "Lexislamos o dereito das mulleres a decidir sobre a súa maternidade", salientou Chea, quen lembrou que hoxe se cumpre unha "histórica" demanda das "mulleres feministas".

Comparación das leises:

Lei de 1985Lei de 2010
Indicacións

Constituía un delito despenalizado en tres supostos:

  • si o embarazo foi froito dunha violación (12 primeiras semanas de xestación)
  • si o feto presentaba graves taras físicas ou psíquicas (de 22 semanas)
  • si hai perigo para a vida da nai ou para a súa saúde física ou psíquica (non hai tempo máximo)
  • O aborto será libre até as 14 semanas.
  • Até as 22 semanas si hai grave risco para a vida ou saúde da muller ou graves anomalías no feto.
  • Si se descobren anomalías incompatibles coa vida ou enfermidade extremadamente grave e incurable non hai límite. Neste caso, un comité médico ditaminará a súa pertinencia.
SanidadeMenos do 3% dos abortos practicábanse en centros públicos. Algunhas comunidades, financian estes servizos noutros centros.A Sanidade Pública si garantirá a práctica do aborto ou, polo menos, financiarao en centros privados concertados.
Penalizacións
  • Un aborto fóra da lei podería enviar ao cárcere ó médico/a (1 a 3 anos), así como quedar inhabilitado/a entre un e seis anos.
  • Para a muller, podería haber pena de prisión, de seis meses a un ano, ou unha multa.
  • Desaparece a pena de cárcere para a muller que aborte fóra dos casos permitidos.
  • Prevéñense multas que dependerán das circunstancias. Para o médico/a, cárcere dun a tres anos e inhabilitación dun a seis.