O luns, 23 de novembro, a Asociación Renacer de Riveira dará comezo, ó programa "Educar en Valores a través do Cinema", ca proxección do filme "City of Ember: na busca da luz", ca que se tentará sensibilizar ós/ás escolares acerca da conveniencia de xulgar as situacións nas que ven involucrados/as, anticipando as consecuencias á hora tomar decisións máis axeitadas.

Esta proxección está destinada ós alumnos/as de 1º da ESO dos centros de ensino: IES Nº1, Leliadoura e Coroso e dos CPR Galaxia, Sacro Corazón, Baión e Milagrosa e terá lugar no Auditorio Municipal en dúas sesións: ás 11:30 e ás 15:45 (para poder dar cabida a todo á alumnado). Con esta proxección ponse en marcha o programa Cinensino organizado para este curso, no que participarán un total de 284 de rapaces/as.

Posteriormente e, co apoio profesorado, os/as escolares traballarán na aula unidades didácticas encamiñadas a:

• Coñecer as implicacións da comunicación familiar na resolución de problemas.
• Promover a reflexión, adquisición e interiorización de valores como paso previo á revención de posibles problemas relacionados co consumo de drogas na poboación adolescente.
• Modificar factores de risco e potenciar factores de protección.
• Tentar favorecer o sentido crítico dos mozos/as e potenciar a resistencia á presión de grupo.
• Potenciar a autoestima, a capacidade de decisión e a autonomía persoal.
• Mostrar alternativas saudable para o lecer.