Tal e como se deriva dos últimos informes feitos pola OMS e se recolle na vixente Estratexia Nacional sobre Adiccións 2.017-2.024, elaborada polo Ministerio de Sanidade, hoxe en día as "Adiccións comportamentais" (Emprego problemático de Internet e redes sociais, adicción a videoxogos, ludopatía); están suscitando unha crecente preocupación social. Dita preocupción demanda aos profesionais da psicoloxía, educación e saúde en xeral un papel máis activo na axuda ás familias.

Expertos en adiccións advirten que o confinamento decretado polo actual estado de alarma podería incrementar o risco de que as persoas a tratamento por algunha adicción teñan unha recaída debido a situación que estamos a vivir.

Como explica Gloria González, especialista do centro ITA Adiccións, o aburrimento e a frustración son uns dos motores de risco para que unha persoa con adicción repita esas conductas.

Así mesmo, o illamento e todas as medidas preventivas están removendo moitas emocións como a tristeza, o que pode provocar que afloren certas emocións internas que aumenten o malestar e aumentar o risco da recaída.

As últimas investigacións científicas demostran que o consumo habitual de cannabis provoca cambios estructurais no tecido cerebral, posto que produce alteracións que conducen a un deterioro da memoria, atención, percepción, coordinación e concentración.

Ditos cambios vanse traducir nun empeoramento do rendimento persoal, social e laboral, con afectacións emocionais e físicas.

As prácticas sexuais de risco están repuntando e aparecen de novo enfermidades e infeccións de transmisión sexual que xa estaban erradicadas.

O pasado xoves 20 de marzo presentouse no Colexio Oficial de Médicos da Coruña unha aplicación móbil gratuíta chamada Risco Cero, a cal ofrece información veraz ós xóvenes sobre métodos de anticoncepción, prácticas sexuais seguras e prevención para evitar as enfermidades de transmisión sexual.

"Transmite Respecto" é o lema da campaña deste ano do Día Mundial da Sida, cuxo aniversario se celebra sempre o día 1 de decembro.

A campaña deste ano busca eliminar as barreiras ás que se enfrontan as persoas coa infección por VIH, entre elas a da discriminación.

O Día Mundial da Sida é unha xornada para concienciar á sociedade fronte á infección; e conta co apoio da Asemblea Mundial da Saúde, a Organización das Nacións Unidas para a SIDA (ONUSIDA) , gobernos, comunidades e persoas de todo o mundo.

Presentouse a XIII edición da Enquisa sobre Uso de Drogas en Ensinos Secundarios en España (ESTUDES 2018-2019). A enquisa realízase a estudantes entre 14 e 18 anos.

Entre os datos máis significativos que proporcionou esta última edición destacan:

• Por primeira vez, a enquisa recolle o consumo de videoxogos: o 82,2% di xogar a videoxogos no último ano

• O 48,4% dos estudantes de 14 a 18 anos probou cigarros electrónicos, fronte ao 20,1% de 2016.

• Desde 2010, a percepción de risco do cannabis é menor que a do tabaco.

• O consumo de alcol recente descende (do 67% ao 58,5%), pero aumentan as bebedeiras no último mes (a 24,3% fronte ao 21,8%)

• O consumo de cocaína alcanza mínimos históricos: menos do 1% dos mozos recoñece consumila no último mes

   

Nos últimos anos, o emprego das novas tecnoloxías extendeuse con forza na nosa sociedade, sobre todo entre os máis xóvenes. Datos da enquisa do Ministerio de Sanidade ESTUDES (2018), poñen de manifesto que o 99,6% dos estudantes de 14 a 18 anos empregara internet nos últimos meses.

O principal problema radica en que se pasa de xeito moi doado, e case imperceptible, dun uso xeneralizado destas novas tecnoloxías  a un abuso das mesmas.

De feito os resultados dos últimos estudos amosan que mentres que un 3% da poboación de 15 a 64 anos fai un uso compulsivo de internet, sendo a prevalencia deste problema sete veces maior entre os estudantes de 14 18 anos.

O vindeiro sábado 30 de novembro, ás nove e media da noite no restaurante Baiuca, terá lugar a Cea Benéfica de Renacer. A nosa intención é seguir sumando fondos para continuar coa liña de traballo que vimos desenvolvendo dende o ano 1.990. Dende a súa constitución a Asociación Renacer  pretende manter unha liña innovadora na súas estratexias e programas, apostando pola prevención e inserción dos riscos asociados ó consumo de drogas e a prevención do VIH/Sida, e outras enfermidades de transmisión sexual e embarazos non desexados, mediante actuaciones no ámbito da educación formal e informal en tódolos niveis: escolar, familiar e comunitario.

Nos últimos anos, existe unha preocupación crecente ante o incremento no número de menores adictos ós xogos de azar e apostas (principalmente as apostas deportivas)

Numerosos expertos destacan o papel de Internet e as novas tecnoloxías como facilitadoras do acceso a este tipo de xogos entre os adolescentes. De xeito agora hai novos videoxogos que comezan a incorporar elementos propios dos xogos de azar e de apostas, unha converxencia que, xunto cunha publicidade intensa que asocia estas actividades co ocio e o entretemento, poderían estar influíndo no desarrollo de xogo problemático entre a xuventude e adolescencia, cada vez máis visible e alarmante.