As adiccións con e sen substancia constitúen un dos principais problemas de Saúde Pública que afectan ós/ás adolescentes españois. A pesares de que os datos recollidos na última Enquisa Estatal sobre uso de Drogas na Ensinanza Secundaria (ESTUDES 2018- 2019) sinalan unha discreta diminución do consumo dalgunhas substancias, os índices de consumo continúan situándose en cifras preocupantes. O alcohol é a substancia psicoactiva máis consumida. O Informe 2020 da enquisa ESTUDES advirte dun estancamento case “endémico”, xa que en ningún intre da serie histórica o consumo nos últimos 12 meses se situou por debaixo do 72%. Persiste, ademais, un patrón de consumo intensivo ou en forma de atracón, coñecido no ámbito anglosaxón como Binge Drinking, caracterizado pola inxesta de elevadas cantidades en cortos períodos de tempo e cuxos efectos no organismo e, en particular, nun cerebro en pleno proceso de maduración poden ser devastadores. A nivel comportamental tamén se demostrou que os/as adolescentes con este patrón de consumo presentan unha maior probabilidade de iniciarse no consumo doutras substancias, con consumos de risco ou incluso unha posible dependencia na idade adulta.

A pandemia da COVID-19 afectou significativamente á percepción e valoración que os/as xoves fan da tecnoloxía, debido a importancia das TIC na súa vida cotiá durante este período: un 47,4% dos/as xoves españois entre 15 e 29 anos valora máis ca antes o tempo de desconexión de Internet e redes sociais. E algo máis dun terzo (37,1%) tamén destaca que aproveita mellor o seu tempo na rede dende a chegada da pandemia. 

A pesares dese certo grao de saturación de pantallas, os/as xoves seguen sendo “tecno optimistas” e para o 57,1% a tecnoloxía contribúe claramente a mellorar a calidade de vida das persoas, o que supón un aumento de 7,4 puntos con respecto ó 2020. 

Maioritariamente (71%) cren que teñen competencias dixitais elevadas e o 88,2% actúa como mediador experto para apoiar ó seu entorno social no emprego do uso de Internet e TICs.

Estes son algúns dos principais resultados do “Barómetro Jóvenes y Tecnología 2021. Trabajo, estudios y prácticas en la incertidumbre pandémica”, una investigación del Centro Reina Sofía sobre Adolescencia y Juventud de Fad, financiada por Google, e realizada a través de 1.200 enquisas  a xoves entre 15 e 29 años.

No estudio afóndase nas percepcións sobre a tecnoloxía no futuro, nas experiencias de trabalo e na  educación durante a pandemia, así como nos seus usos tecnolóxicos. A investigación foi presentada pola directora xeral da Fad, Beatriz Martín Padura, e polo investigador do Centro Reina Sofía sobre Adolescencia e Xuventude da Fad, Daniel Calderón. 

Dende a Asociación Renacer xunto coa Confraría da Dorna ponse en marcha, un ano máis, a campaña de prevención de enfermidades de transmisión sexual e embarazos non desexados baixo o lema: " Móllate o xusto! Sempre chuvasqueiro.

Como tódolos anos, dende o 1987, conmemórase o Día Internacional contra o Tráfico Ilícito e Abuso de drogas. Neste 26 de xuño; o obxectivo é crear unha conciencia sobre o problema que representan para a sociedade as drogas ilícitas. Elixindo para a ocasión o lema  seguinte " Hablemos de Drogas: la información salva vidas", combatindo deste xeito a desinformación posto que é fundamental coñecer os riscos que ten para a saúde buscar tódalas solucións posibles para abordar este problema mundial das drogas; dende a prevención, o tratamento e unha atención integral fundamentadas nas probas e o coidado das persoas con adicción ás drogas.

Ademais, a campaña nesta ocasión quere amosar os datos clave que proveñen do Informe Mundial sobre as Drogas da Oficina das Nacións Unidas contra a Droga e o Delito ( UNODC). Deste xeito, con feitos baseados na ciencia e en solucións prácticas poderase ter unha visión clara e obxectiva deste problema de saúde mundial. O informe preséntase en seis folletos que ofrecen unha gran cantidade  de información e unha análise para axudar á comunidade internacional a implementar recomendacións operativas sobre unha serie de compromisos asumidos polos Estados Membros.

Un dos efectos da crise socio sanitaria provocada polo COVID é o impacto que tivo e segue a ter sobre a saúde mental da poboación. Os cadros de ansiedade e depresión son os máis prevalentes xunto coas fobias que tamen experimentaron un aumento importante. De feito, unha de cada cinco persoas  en España tivo sentimentos de desesperanza e tristeza durante  moitos días neste ano da pandemia, e máis da metade senten cansancio extremo e pouca enerxía, según datos das últimas enquisas do Centro de Investigacións Sociolóxicas (CIS) publicados a principios de marzo; datos semellantes aos que presenta o Consello xeral da Psicoloxía de España, os cales poñen de manifesto que un de cada catro habitantes españois presentan síntomas relacionados coa depresión grave ou moderada.

Como tódolos anos dende a Asociación Renacer sumámonos coa nosa campaña para conmemorar o Día Mundial sen Tabaco. Nesta ocasión elaboramos dous carteis distintos un dirixido á poboación xeral o cal se ditribuiu entre as distintas asociacións, centros de saúde, clubes deportivos do concello e o hospital do Barbanza e o outro entre tódolos centros escolares do concello de Ribeira.

O tabaco causa 8 millóns de mortes cada ano, a evidencia científica publicada ó longo deste ano amosa que as persoas fumadoras teñen unha maior probabilidade de desenvolver enfermidades severas con COVID-19, probabilidade moito máis alta ca aquelas persoas que non son fumadoras.

A poboación de fumadores ten un maior risco de contraer coronavirus porque levan a miúdo as mans á boca e, posteriormente, se chegan a adquirila infección corren maiores riscos de presentar casos graves de COVID-19,  porque a súa función pulmonar está afectada; a función pulmonar vese afectada co hábito de fumar porque as persoas fumadoras presentan reduccións que varían entre un 2%- 16% nos indicadores espirométricos, as cales suxiren unha afectación temperá da capacidade dos pulmóns para movilizar o aire polas vías aéreas.

O xogo en sí mesmo é unha actividade normal e positiva na vida de calquer persoa e permite dende a nenez o desenvolvemento físico, psicolóxico e social, facilitando que descubra e aprenda as normas sociais e de convivencia. Pero cando este xogo se converte en algo moi competitivo e permite a consecución de algo valorado e xeralmente de carácter material, o tren do xogo cambia os papeis e comeza a discurrir entre un extenso repertorio de formas de actividade lúdica que poden levar dende a alegría e o entretemento á verdadeira obsesión.

O problema aumenta cando o xogo conleva unha remuneración económica como ocorre co xogo de azar, neste tipo de xogo hai certa independencia entre a conducta da persoa e o éxito ou fracaso final; e son precisamente estes xogos os que espertan un maior atractivo e onde as probabilidades de introducirse no xogo problemático se incrementan.

Dende UNICEF son conscientes da presenza cada vez máis significativa que ten a tecnoloxía e dispositovos electrónicos na vida dos neno/as e adolescencia. De feito, consideran funfamental analizar os perigos e conductas de risco que poden afectar ó exercicio dos dereitos dos nenos/as e adolescentes dende unha perspectiva de protección, prevención, saúde e educación, que garanten un uso saúdable e equilibrado da tecnoloxía.

O consumo de alcohol, tabaco e cannabis descendeu dende o inicio da pandemia provocada pola COVID-19 no noso país, mentres que o uso de hipnosedantes sen receita e o consumo de horas de internet por diversión aumentou lixeiramente, o  xogo  online permaneceu sen cambios. Estas son as principais conclusións do estudo realizado polo Observatorio Español das Drogas e as Adiccións ‘OEDA-COVID 2020’ da Delegación do Goberno para o Plan Nacional sobre Drogas.

A enquisa é de carácter representativo sobre o impacto da pandemia provocada pola COVID-19 no consumo de drogas e adiccións sen substancia na poboación española, foi realizada telefonicamente a unha mostra aleatoria de máis de 8.000 persoas de entre 15 e 64 años, á que se suman preto de 900 persoas de 65 e máis anos residentes en todo o territorio nacional.