Dende que no ano 1985 se aprobou o primeiro Plan de acción sobre drogas, España estivo contando con elementos de planificación  neste campo. Ó longo de décadas proporcionaron un marco de planificación para as actuacións da Administración Xeral do Estado, as Comunidades Autónomas, e as corporacións locais máis comprometidas neste terreo, ademais das entidades sen ánimo de lucro creadas para dar resposta ós problemas plantexados polas adicción dende a sociedade civil. Aínda que a Delegación do Goberno para o Plan Nacional sobre Drogas é o órgano administrativo que prepara e xestiona os Plans, estos marcan as prioridades para tódolos actores que contribúen a darlles resposta. De feito, a súa existencia facilitou unha liña de continuidade e consenso na resposta ás drogas e as adiccións. Despois de que as Nacións Unidas propuseran que os estados membros adoptaran estratexias a longo prazo neste campo, España dotouse dunha primeira Estratexia Nacional sobre Drogas ao mesmo tempo que a Unión Europea adoptou tambén unha estratexia propia.

Cada 1 de decembro celébrase o Día Mundial da SIDA, neste día incídese con máis insistencia na oportunidade de apoiar a  aquelas persoas involucradas na loita contra o VIH e para mellorar a compresión deste virus como un problema de saúde pública mundial.

O lema desta ano é: "Pon fin ás desigualdades. Pon fin á SIDA. Pon fin ás pandemias".

O botellón ten implicacións graves para a saúde da mocidade, máis aló da suciedade e o ruído.

A sociedade científica Socidrogalcohol reuniuse nas súas XLVIII Xornadas Nacionais e III Congreso Internacional o pasado mes de outubro. Os temas que abordaron foron de diversa natureza e multidisciplinares, xa que a entidade está formada por diversos campos como a psicoloxía, psiquiatría, enfermería, medicina...

O consumo de alcohol nos menores de idade é un problema que leva anos preocupando aos profesionais da saúde e a sociedade en xeral. Aínda que, como asegura o presidente de Socidrogalcohol, o doutor Francisco Pascual, este non é un tema tan novo, o que ocorre é que o foco mediático está centrado nos comportamentos que a mocidade fai durante eses macrobotellóns; e en moitas ocasións esquécense das graves implicacións que estes consumos provocan na saúde dos participantes desta actividade.

A  Asociación Renacer  en colaboración co concello de Ribeira, con motivo da conmemoración o 15 de novembro, do Día Mundial Sen Alcohol, porá en marcha a campaña “Por 10 razóns”, de cara a sensibilizar á poboación en xeral, e á mocidade en particular, sobre as vantaxes de non consumir alcohol, intentando fomentar a responsabilidade individual e colectiva que todos temos como medio para previr e evitar o consumo abusivo que se fai desta substancia.

A campaña pretende facer fincapé en mensaxes concretas acerca dos beneficios que nos aportan o non consumir alcohol, en diferentes áreas das nosas vidas: a túa memoria e capacidade de aprender mellora, menos violencia, máis respecto, crearás relacións máis fortes cos amigos, familia e parella, haberá menos probabilidade de que probes outras substancias, terás sexo con sentido e consentido…

Para isto, deseñáronse diversos materiais que se distribuirán entre os centros de Saúde do concello e Hospital comarcal, asociacións e clubes deportivos e centros de ensino de secundaria dos concellos de Ribeira, Boiro e Porto do Son. Dándolle tamén difusión nas redes sociais da entidade.

A educación emocional consiste no desenvolvemento de coñecementos e habilidades emocionais ao obxecto de dotar ás persoas de competencias básicas para a vida que se poden aplicar a unha gran variedade de situacións, facendo que as persoas afronten adecuadamente os retos que se lle presenten, aumentando deste xeito o seu benestar persoal e social.

As ensinanzas emocionais responden, en gran medida, ás necesidades de caracter emocional como son: o control emocional, asertividade, timidez, comunicación efectiva, resolución de conflictos, mellora da autoestima; non atendidas nin adecuadamente consideradas que poden conducir a posteriores comportamentos de risco tales como un consumo de substancias, anorexia, violencia, ansiedade, estrés, depresión, suicidio, acoso escolar, dependencia emocional.

A Asociación Antidroga Renacer,  coa colaboración do grupo de investigación en psicoloxía e calidade de vida (PsiCAL), da Universidade de Valencia desenvolveu  o estudo “Análise da familia, como axente de promoción da saúde” cos proxenitores do alumnado de 6º de E.P e  primeiro ciclo da ESO (1º e 2º de secundaria) de  Ribeira.

O obxectivo principal do mesmo foi levar a cabo unha análise do sistema familiar, para identificar e coñecer mellor os factores de protección e de risco, que dende o mesmo, poden condicionar o inicio no consumo de substancias, especialmente do alcohol, e poder así centrar con posterioridade as intervencións, e anticiparnos á aparición do problema, sobre todo tentando evitar  que se produza a  idades tan temperás.

A determinación das franxas de idade para facer o mostreo veu determinada pola observación do entorno, os datos recollidos a través do traballo levado cabo pola entidade coa poboación xuvenil, e os datos do último informe Estudes 2020, do Plan Nacional de Drogas, que amosan que o alcohol segue sendo a substancia de maior consumo na adolescencia, e  que a primeira toma de contacto co mesmo dáse en torno ós catorce anos de media.

Para facer o estudo contactouse cos equipos directivos dos centros educativos do concello, explicouse o seu  propósito e pediuse a súa colaboración para contactar coas familias. Posteriormente, dende os mesmos, a través das plataformas que empregan para contactar cos proxenitores, achegáronlles os enlaces para cumprimentar os cuestionarios que o conforman.

A través do estudo fíxose unha avaliación das necesidades latentes no seo das familias, analizando as estratexias de intelixencia emocional que empregan, o funcionamento e comunicación no sistema familiar, as actitudes dos proxenitores ante o consumo de substancias en xeral, e do alcohol en particular.

Na madrugada do pasado 31 de agosto entraba en vigor a nova regulación da publicidade do xogo e apostas deportivas. Entre os cambios a destacar, salientar que a publicidade do xogo e apostas queda prohibida na televisión en calquera momento do día que non sexa de unha a cinco da madrugada.

O COVID19 afectou á nosa forma de vida en case tódalas facetas, unha das máis notorias é a aceleración e intensificación dos procesos de dixitalización que xa estaban en marcha. Trátase, polo tanto, dun proceso que se acelerou como producto das necesidades impostas pola pandemia. Un dos aspectos máis destacables é o aumento do consumo de medios, sobre todo canales dixitais como a prensa, televisión multimedia e outras plataformas de comunicación que aumentaron co illamento ó que se viu forzada a maior parte da poboación como consecuencia do confinamento, para facer fronte ó brote inicial da pandemia.

O consumo de alcohol durante a adolescencia e xuventude  asociase coa aceleración e rixidez arterial, un precursor da enfermidade cardiovascular, según conclúe un estudo presentado no Congreso da Sociedade Europea de Cardioloxía ESC 2021.

Houbo diversas probas que demostran a existencia dun aumento gradual co uso máis intenso de alcohol, o que significa que canto máis se bebe maior é o aumento da rixidez arterial. Dita relación non se explica por outros factores que poidan predispoñer á enfermidade cardíaca, o que suxire que o comportamento de risco durante este periodo ten un efecto directo sobre a saúde vascular.

Unha idea errada, moi extendida entre este grupo de idade, é que o consumo desta substancia é completamente seguro. Un equipo multiinstitucional acaba de publicar na revista "Pediatrics", a cal examina o impacto de consumir marihuana na poboación adolescente, que o impacto é contundente e decisivo na función respiratoria  e no desenvolvemento do cerebro. Un dos investigadores da Universidade de Texas sinala que a investigación sobre as diversas formas de consumo de marihuana amosa que cada método implica riscos diferentes.