Con esta lema, a Dirección Xeral de Tráfico (DXT) pon en marcha unha campaña de control e sensibilización para tentar evitar que se conduza baixo os efectos do alcol e as drogas, como o fixo en 2011 o 45 % dos condutores/as falecidos/as en accidente.

Durante dúas semanas, os axentes da Agrupación de Tráfico da Garda Civil realizarán20.000 controis diarios aos condutores/as, en coincidencia coa proximidade das festas do Nadal, unhas datas nas que é habitual a celebración de comidas e ceas con amigos/as e compañeiros/as de traballo. Xa o ano pasado, a Garda Civil levou a cabo máis de 5,5 millóns de controis preventivos e máis de 130.000 deron positivo, o que representa o 1,8 %, aínda que esta porcentaxe diminuíu sensiblemente no transcurso dos anos, xa que en 2001, por exemplo, era do 5 %.

Sumar as copas de máis o fume do tabaco fai que o día seguinte os síntomas da resaca agudícense: ¿Náuseas, fatiga e dores de cabeza máis fortes do normal? Se tras algún que outro fin de semana aderezado con máis alcol do que debería levantouse cunha resaca especialmente intensa, posiblemente a culpa non a teña unicamente esas copas que non tería que tomar, senón tamén os cigarros que as acompañaron.

Esta é polo menos a conclusión á que chegou o equipo liderado pola investigadora Damaris J. Rohsenow, do Centro de Estudos sobre o Alcol e Adiccións da Brown University en Rhode Island (EEUU). En palabras de Rohsenow, "analizando os efectos dos excesos de alcol, comprobamos que as persoas que fuman e beben teñen máis posibilidades de ter unha resaca ou de sufrila con máis virulencia que aqueles que non fuman".

Cada 1 de decembro, Día Mundial de Loita Contra a SIDA, persoas de todo o mundo suman esforzos para xerar unha maior conciencia do que supón o VIH/SIDA e mostrar solidariedade internacional ante a pandemia.

Este evento brinda a todos os/as copartícipes, tanto públicos como privados, unha das máis oportunidades máis claras para dar a coñecer a situación e impulsar avances en materia de prevención, tratamento e atención aos afectados/as nos países con elevada prevalencia e tamén no resto do mundo.

ONUSIDA informa dun descenso de máis do 50% nos casos de novas infeccións polo VIH en 25 países, a tan só 1000 días para que os países deban cumprir os obxectivos mundiais en materia de SIDA.

Ademais, o número de persoas que teñen acceso á terapia antirretrovírica aumentou nun 63% nos últimos 24 meses, e as mortes relacionadas coa SIDA caeron en máis dun 25% entre 2005 e 2011 a nivel mundial.

O novo informe do Día mundial da SIDA, Resultados, elaborado polo Programa Conxunto das Nacións Unidas sobre o VIH/SIDA (ONUSIDA) mostra que a rapidez sen precedentes coa que se mellorou a resposta á SIDA está a dar resultados. O informe indica que, en 25 países de ingresos baixos e medios, dos cales a metade se atopan en África subsahariana, a rexión máis afectada polo VIH, logrouse unha redución de máis do 50% nos casos de novas infeccións polo VIH.

A directiva da Asociación Antidroga Renacer agradece a resposta social solidaria mostrada por todas aquelas persoas e entidades como Ambar, Amicos, Cruz Vermella, Cáritas, Asociación Alfaia, Mans Unidas, Fundación Galega contra o Narcotráfico, Amas de Casa, Asociación de Loita contra o Cancro, Centro Pen de Galicia, Club Náutico de Riveira e demais colectivos sociais, e autoridades da comarca que acudiron á cea benéfica celebrada o pasado sábado 24 de novembro, así como a todos aqueles/as, que ao non poder asistir, contribuíron coas súas achegas á Fila Cero.

O vindeiro 24 de novembro terá lugar a Cea Benéfica, que se ven celebrando dende o ano 2001. O obxectivo da mesma é recadar fondos para continuar co desenvolvemento dos programas de prevención e inserción social das drogodependencias, que esta entidade ten en funcionamento dende hai mais de vinte anos.

Nunha época de crise coma a que estamos vivindo, na que a administración vese obrigada a realizar continuos recortes, é mais importante ca nunca poñer en práctica valores coma a solidariedade e o compromiso social.

España segue, xunto con Reino Unido e Italia, á cabeza da Unión Europea en consumo de cocaína e cannabis, especialmente entre a mocidade, aínda que o uso desas sustancias tende a estabilizarse, segundo o informe anual do Observatorio Europeo das Drogas que se acaba de publicar.

O estudo alerta dos riscos da proliferación de novas drogas sintéticas estimulantes, como as catinonas (estimulante vexetal parecido ó tabaco, que ten efectos semellantes aos das anfetaminas) , e do aumento do uso da metanfetamina.

Ao redor de tres millóns de mozos/as (de 15 a 34 anos) consumiron cocaína polo menos unha vez durante o último ano (o 2,1%). Tanto España (4,4%) como Reino Unido (4,2%) duplican a media comunitaria, mentres que Italia sitúase en terceira posición (2,9%). Os países con menor consumo son Grecia e Romanía (0,2%).

En España estímase que até o 70 % dos adictos/as a algún tipo de sustancia, como o alcol ou o cannabis, padece tamén outro trastorno mental asociado, o que se coñece como patoloxía dual, segundo asegurou o presidente da Sociedade Española de Patoloxía Dual , Nestor Szerman, con motivo das XIV Xornadas Nacionais que esta entidade celebra estes días en Madrid.

Ambos os factores, adicción e trastorno mental, poden actuar "indistintamente" como "causa e consecuencia" da patoloxía dual en función de cada paciente, engadiu o xefe de Servizo de Psiquiatría do Hospital Vall d`Hebrón de Barcelona, Miguel Casas, quen admite que nos últimos anos está a producirse un incremento de casos asociado ao aumento do consumo de drogas en España.

Este manual foi froito do esforzo colaborativo de numerosos profesionais do ámbito das drogodependencias. Nace coa vocación de ser un manual de referencia e consulta obrigada para todos aqueles profesionais que desexen ter un coñecemento científico actualizado non exento do necesario debate no mundo das drogas e as súas repercusións na sociedade.

Esta obra vai dirixida principalmente aos profesionais da saúde e a educación que traballan en prevención e tratamento de drogodependencias e outras condutas aditivas e aos estudantes das ramas sociosanitaria e educativa que deben desenvolver competencias en distintos temas relacionados cos procesos preventivos de avaliación e intervención con persoas, maioritariamente novas, que van ter contacto, con toda seguridade, coas drogas, e a posibilidade de levar a cabo outras condutas con alto potencial de xerar adiccións.

O Goberno español está a elaborar unha lei estatal que establecerá límites no acceso dos/as adolescentes ao alcol coa que se pretende, segundo sinalou nunha entrevista o delegado do Plan Nacional sobre Drogas, Francisco de Agarrades Babín, dar uniformidade á lexislación existente, xa que hai máis de 900 normas autonómicas e locais "que dunha ou outra maneira" inciden neste tema.

A nova normativa establecerá uns "mínimos comúns" para todo o territorio nacional, entre eles, a homoxeneización da idade legal de consumo e compra de alcol, e incidirá na prevención, dada a súa "alta accesibilidade" e que os "límites que existen non son suficientes".