A Asociación Renacer vai poñer en marcha “Aprendendo a crecer: Programa de prevención escolar en secundaria”, correspondente ó curso 2014-2015, nos centros educativos do Concello de Riveira.

A escola é o lugar onde se pasa unha importante parte dos primeiros anos da vida. Xunto coa familia, é o ámbito onde o individuo vai crecendo, tanto a nivel individual como social, adquirindo coñecementos e habilidades básicas para o seu desenvolvemento.

Polo tanto, a escola é un escenario clave para realizar intervencións de promoción da saúde. O obxectivo da prevención neste ámbito é que os alumnos/as consigan o maior grao posible de saúde a partir da adquisición de coñecementos e habilidades que favorezan o desenvolvemento de estilos de vida saudables dende unha perspectiva integral, a nivel intelectual, afectivo e social.

A Asociación Antidroga Renacer pon en funcionamento a Escola de Pais/Nais “Ensinando a crecer”, correspondente ó curso 2014/2015. Esta actividade articulase coma un espazo de información, formación e reflexión sobre aspectos relacionados coas funcións parentais. É un recurso de apoio ás familias con menores para que poidan desenvolver axeitadamente a súas funcións educativas e socializadoras, superar situacións de necesidade e risco, e contribuír a modificación de condutas e a adquisición de pautas saudables de dinámica familiar.

"O 24,80% das mulleres non utiliza ningunha protección na súa primeira relación sexual", segundo reflicte a enquisa publicada pola Sociedade Española de Contracepción e a Fundación Española de Contracepción. Con todo, o uso dalgún método anticonceptivo nesta primeira relación sexual vaise facendo cada vez máis frecuente. Por exemplo, entre as mulleres de 45 a 49 anos, o uso de método anticonceptivo nesta primeira relación sitúase no 57,7%. Esta práctica vaise incrementando nas sucesivas xeracións. "As mulleres que non utilizan métodos na súa primeira relación sexual teñen máis risco de ter un futuro embarazo", comentou o presidente da Fundación Española de Contracepción.

Os/as adolescentes -menores de 17 anos- que consomen cannabis a diario teñen un 60% menos de probabilidades de acabar o instituto ou de conseguir unha titulación universitaria comparados cos que nunca fumaron esta droga. É unha das conclusións dun estudo publicado na revista “The Lancet Psychiatry” que tamén analiza outras "secuelas psicosociais" do consumo habitual de cannabis: os seus usuarios teñen sete veces máis probabilidades de tentar suicidarse, 18 veces máis de desenvolver dependencia ao cannabis e oito veces máis de consumir outras drogas na vida adulta.

Os pais/nais poden ser moi protectores cos seus fillos/as cada vez que pon un pé fóra de casa pero aínda non son conscientes de que ás veces o risco está dentro do fogar. Ao redor de 27.000 adolescentes confesan contactar con estraños/as por internet, máis de 9.000 recoñecen que chegaron a citarse en persoa con descoñecidos/as e uns 3.400 foron chantaxeados/as con difundir fotos eróticas súas, segundo o recente estudo “Mocidade on line” da Universidade de Santiago de Compostela e dirixido por Antonio Rial Boubeta, profesor de Ciencias do Comportamento.

O estudo “Mocidade on line”, realizado pola Universidade de Santiago de Compostela, permite determinar con precisión os riscos que os/as adolescentes galegos asumen na súa relación con Internet. O traballo permitiu concluír que o nivel de risco de adicción a Internet entre os/as adolescentes galegos é moderado. Preto do 82% dos mozos/as están a facer un uso adecuado da Rede, aínda que, segundo recollen os resultados, hai un 4% que presenta sinais de uso problemático en canto a unha posible conduta adictiva.

Un estudo publicado en “Prevención do Tabaquismo” revela que o 30% dos consumidores/as de tabaco pasáronse a esta clase pensando que era máis saudable.

Os fumadores/as de tabaco de lear presentan concentracións máis altas de monóxido de carbono no seu aire expirado que os fumadores/as de tabaco manufacturado a pesar de que estes últimos/as consomen un número máis alto de cigarros diarios (18,5 fronte a 27,9. A explicación é bastante simple, xa que a pesares de consumir menos, os fumadores/as de tabaco de lear tenden a dar máis caladas e máis profundas. Afirma Carlos Jiménez Ruiz, director do Programa de Investigación en Tabaquismo da Sociedade Española de Pneumoloxía e Cirurxía Torácica.

A venda de tabaco nos estancos e os bares caeu en picado en cinco anos. Fai un lustro vendéronse de maneira legal en España 90.290 millóns de cigarros. O ano pasado despacháronse 47.508 millóns, un 47% menos. A tormenta perfecta formouse ao redor desta industria: ao endurecemento da lei antitabaco e as sucesivas subidas de impostos sumouse a perda de poder adquisitivo pola crise, que á súa vez impulsou o contrabando e a procura de alternativas máis baratas. No medio destas augas revoltas hai algúns gañadores: os impulsores das marcas de baixo custo, que se reparten xa máis do 11% do mercado.

Dende o día 21 de xuño ata 10 de agosto, ambos inclusive, os apartados de “Novas” e “Pregúntanos” da nosa web estarán temporalmente fora de servizo. Poderanse consultar pero non se actualizarán novas nin se contestarán a preguntas.

Para calquera información e/ou dúbida, poden:

• Acudir ó noso local social sito na Rúa Agustín Fernández Oujo, 15 A – Entrechán , en horario de 9 a 14 horas.

• Chamar o noso teléfono: 981 87 40 86, en horario de 9 a 14 horas.

• Enviarnos un correo electrónico a: renacer@asociacion-renacer.org

Desculpen as molestias.

Asociación Renacer

Facultativos do Laboratorio de Inmunobioloxía Molecular do Hospital Gregorio Marañón da Comunidade de Madrid, en colaboración con investigadores da Universidade de Alcalá de Henares, desenvolveron un xel que tería o potencial de previr a infección polo VIH durante o acto sexual, que xa superou os experimentos in vitro e a proba de concepto con animais cunha efectividade do 85%.

Trátase dun xel ou microbicida de uso tópico para mulleres e homes sans de aplicación vaxinal ou rectal que ofrece un método de protección fronte ao contaxio polo VIH durante o acto sexual. Tanto a xefa de sección do Gregorio Marañón e responsable do proxecto, María Ángeles Muñoz, como o profesor titular do departamento de Química Orgánica da Universidade de Alcalá de Henares, Javier de la Mata, aseguraron que esta investigación, que se atopa en fase preclínica, superou os ensaios en ratos humanizados, previa á proba en humanos. Este xel está baseado no dendrímero 2G-S16, que é un tipo de partícula microscópica, que bloquea a infección de células epiteliais e do sistema inmune fronte ao VIH.