O vindeiro día sete de novembro terá lugar a nosa cea benéfica anual na que este ano, ademais, conmemoramos o noso 25 aniversario.

Desde a constitución no ano 1990, a Asociación Renacer pretendeu manter unha liña innovadora nas súas estratexias e programas, apostando pola prevención e inserción dos riscos das drogas mediante actuacións no ámbito da educación formal e informal en todos os niveis: escola, familia e comunidade.

Precisamente agora, 25 anos despois, o obxectivo da cea é recadar fondos para poder continuar co desenvolvemento dos programas e servizos que esta entidade ten en funcionamento posto que, por mor da crise que o noso país vén atravesando nos últimos anos, seguimos sufrindo importantes recortes nas subvencións que percibimos, o que dificulta en gran medida o noso funcionamento.

Con motivo da celebración do noso 25 aniversario ao longo de todo o ano vimos desenvolvendo actividades para celebrar dita efeméride e entre elas elaboramos, en colaboración co Concello de Riveira, unha guía de pais e nais baixo título “Crecendo con eles e elas”.

Con esta guía pretendemos recompilar os temas que ó longo destes últimos anos vimos traballando nas Escolas de Pais e Nais e nos diferentes obradoiros realizados cos proxenitores/as, polo que, se recollen unha serie de orientacións que proporcionan ós pais/nais un recurso de información, consulta e, ao mesmo tempo de reflexión sobre a “tarefa de ser pai/nai”.

É o gran interrogante de moitas familias que senten presionadas e desorientadas ante esta decisión que nun momento ou outro han de tomar. Non existen receitarios que indiquen a que idade exacta para comprar un teléfono móbil aos nosos fillos/as. A pedagoxía non é unha ciencia matemática. Si existen estudos que poden orientar de ao redor de que idade é o máis apropiado, pero en calquera caso depende de moitas circunstancias: a madurez do/a menor, o contexto familiar, o lugar de residencia…

Con motivo da conmemoración do noso 25 aniversario a Asociación Antidroga Renacer de Riveira, organizamos unha xornada baixo titulo “25 Anos na prevención”.

O obxectivo desta xornada é reflexionar sobre o realizado ata a actualidade no campo da prevención das drogodependencias e brindar un espazo onde aportar e construír novas propostas de actuación, facilitando a participación e proximidade de entidades, profesionais, persoas voluntarias e de todos os interesados neste campo, co ánimo de contribuír á consolidación dunha sociedade cada día más saudable.

As advertencias sobre os efectos nocivos do tabaco para a saúde e as fotos que as ilustran, ademais de ser novas, ocuparán máis espazo nos paquetes de cigarros ao pasar dun 40% da superficie exterior do envase ao 65%, unha vez que España conclúa a transposición dunha directiva europea.

O Ministerio de Sanidade xa elaborou o borrador do real decreto polo que se regulan a fabricación, presentación e venda dos produtos do tabaco e os produtos relacionados, que responde á transposición da directiva nesta materia, e que se atopa en trámite de alegacións.

Conducir despois do consumo de sustancias psicoactivas é un feito frecuente en España, alcanzando a doce de cada cen condutores/as, tal e como mostran os resultados do Proxecto europeo DRUID´13 (Driving Under Influence of alcol and Drugs") proxecto que estuda a prevalencia de consumo de alcol e drogas entre os condutores/as.

Científicos/as franceses e canadenses identificaron un neurotransmisor que contribúe a regular a liberación de dopamina no cerebro de ratos que consomen cocaína, de forma que ao bloquealo os roedores vólvense adictos a esa sustancia con maior facilidade. Senten antes os efectos estimulantes da droga, desenvolven máis facilmente unha adicción e son máis susceptibles dunha recaída tras un período de abstinencia, explicou hoxe nun comunicado o Centro Nacional Francés de Investigacións Científicas (CNFIC).

A Consellería de Sanidade ten previsto aumentar a realización da proba do VIH dende os centros de atención primaria e potenciar novas ferramentas como as probas rápidas de VIH en fluído oral en persoas con dificultades de acceso ao sistema sanitario, tal e como se recolle no Plan galego anti VIH/sida e outras infeccións de transmisión sexual (ITS), 2015-2018, que  presentou o pasado 16 de xullo a conselleira de Sanidade, Rocío Mosquera.

A Asociación Renacer de Riveira e a Real Cofradía  da Dorna colaboran de novo este ano na promoción de hábitos saudables durante o desenvolvemento das festas que terán lugar entre o 17 e o 24 de xullo, co desenvolvemento dunha campaña centrada na prevención de embarazos non desexados, VIH e outras enfermidades de transmisión sexual.

O número de persoas que morreron no mundo no ano 2.013 debido ao consumo de drogas mantívose estable e logo ascendeu ó redor de 187.000, según estimacións que se fixeron na Oficina das Nacións Unidas contra a Droga e o Delito.