Novas

Cartel da campaña

05-12-2013

Novo servizo: Proba rápida en fluído oral de VIH

Segundo o último informe de vixilancia epidemiolóxica da Consellería de Sanidade en Galicia rexistráronse 1.845 casos de persoas infectadas polos virus de inmunodeficiencia humana entre os anos 2004 e 2012, cunha media de 205 infeccións anuais, dos que 75% son homes cunha idade media no momento do diagnóstico de 38 anos.

A categoría de transmisión máis frecuente foi a das relacións sexuais non protexidas, que supuxo o 75% dos casos, seguida dos caos debidos a intercambio de xiringas entre usurarios de drogas, cun 20% dos infectados/as.

Este informe tamén indica que o atraso diagnóstico é importante, maioritariamente cando a transmisión é por manter prácticas sexuais non seguras.

Cartel informativo

29-11-2013

Día Mundial da SIDA

Cada 1 de decembro, Día Mundial de Loita Contra a SIDA, persoas de todo o mundo suman esforzos para xerar unha maior conciencia do que supón o VIH/SIDA e mostrar solidariedade internacional ante a pandemia.

Este evento brinda a todos os/as copartícipes, tanto públicos como privados, unha das máis oportunidades máis claras para dar a coñecer a situación e impulsar avances en materia de prevención, tratamento e atención aos afectados/as nos países con elevada prevalencia e tamén no resto do mundo.

Cartel da campaña

15-11-2013

Prevención do uso e abuso de alcohol en menores de idade

A asociación Renacer levou a cabo, o xoves 14 de novembro, unha reunión con representantes do concello, das forzas de seguridade e da asociación de hostalaría para facerlles chegar a preocupación e as reiteradas queixas que veñen recibindo por parte dos proxenitores, desde fai máis dun ano, acerca da venda de alcohol a menores por parte dalgúns establecementos hostaleiros.

Cartel informativo

08-11-2013

Día Mundial sen Alcohol

O vindeiro venres 15 de novembro con motivo da conmemoración do “Día Mundial sen Alcohol”, a asociación Renacer organiza unha charla coloquio baixo o titulo “Mocidade e Alcohol” que será impartida por D. Genaro Gutierrez Fernández, médico de familia do centro de saúde de Poboa do Caramiñal e D. Jesús Cartelle Fernández, xefe do servizo municipal de drogodependencias de Riveira. A mesma desenvolverase a partir das oito e media da tarde no local do Ateneo Vale Inclán.

Cartel informativo

18-10-2013

Cea Benéfica

A Asociación Renacer celebrará o vindeiro 30 de novembro a súa tradicional Cea Benéfica. O obxectivo da mesma é recadar fondos para continuar co desenvolvemento dos programas de prevención e inserción social das drogodependencias, que esta entidade ten en funcionamento desde hai vinte e dous anos.

Estes programas, dirixidos á promoción de hábitos saudables e especialmente á prevención das drogodependencias e do VIH-SIDA nos ámbitos escolar, familiar e comunitario, poden chegar a desaparecer nun futuro próximo.

Doutora examinando unhas radiografías

17-10-2013

Descobren o modo en que unha proteína neutraliza no fígado o dano do alcol e algúns fármacos

Investigadores do Centro Nacional de Investigacións Oncolóxicas (CNIO) descubriron por primeira vez unha importante función protectora da proteína Fra1 no fígado, que neutraliza o dano causado por axentes tan comúns como o acetaminofeno ou o alcol.

A investigación, que se publica este venres na revista “Hepatology”, realizouse sobre un modelo animal, un rato “superdetoxificador” xerado polo equipo de Erwin Wagner, director do Programa da Fundación BBVA-CNIO de Bioloxía Celular do Cancro e investigador do Advanced Grant.

Parella de rapaces

01-10-2013

España suspende en saúde sexual e anticoncepción

A principios dos anos 80 en España, tan só o 20% das mulleres en idade reprodutiva usaba métodos anticonceptivos. A día de hoxe, esa cifra aumenta até máis do 70%. O progreso e o cambio é notable, pero en cuestión de poucos anos, todo parece que se estancou.

Así o pon de manifesto o estudo “Barómetro do acceso ás mulleres á libre elección de anticonceptivos”, realizado a nivel europeo: "A estratexia de saúde sexual e reprodutiva deixou de ser unha prioridade e paralizouse, na práctica, a súa aplicación". Pero ademais, con respecto a España, as cousas van alá: "O Goberno español paralizou a estratexia de saúde sexual e reprodutiva, o que produciu un retroceso no acceso a métodos anticonceptivos seguros e eficaces, dificultades tamén nos accesos aos servizos de planificación familiar e ausencia de implementación dunha política de formación tanto a estudantes como a profesionais e responsables da saúde", afirma o presidente da Federación de Planificación Familiar Estatal (FPFE), Luís Enrique Sánchez Aceiro.

Portada do informe

24-09-2013

ONUSIDA indica que as novas infeccións polo VIH descenderon

O Programa Conxunto das Nacións Unidas sobre o VIH/SIDA mostra nun novo informe que se lograron avances significativos en prol da consecución dos obxectivos relacionados co VIH para 2015.

Calcúlase que, en 2012, déronse 2,3 millóns de novos casos de infección polo VIH en adultos e nenos/as, o que representa unha caída do 33% desde 2001. Da mesma maneira, as novas infeccións entre os nenos/as descenderon até 260.000 en 2012, o que implica unha redución do 52% desde 2001. Grazas á expansión do tratamento antirretrovírico, as mortes relacionadas coa SIDA tamén descenderon nun 30%, en comparación cos índices máximos rexistrados en 2005.

Coche pola estrada

23-09-2013

A “mera presenza” de drogas no condutor será multada con mil euros

A cruzada contra as drogas na condución que emprendeu a directora xeral de Tráfico, María Seguín , quedará plasmada na nova Lei de Seguridade Viaria. A norma endurecerá as sancións por inxesta de drogas con multas de mil euros e eliminará as fisuras da norma vixente, que condenaba a súa influencia pero non a súa presenza no organismo. Así se desprende do anteproxecto de Lei sobre Tráfico, Circulación de Vehículos a Motor e Seguridade Viaria. Entre outras modificacións, recolle o aumento de velocidade a 130 quilómetros por hora e a prohibición de levar detectores de radar.