O número de persoas que morreron no mundo no ano 2.013 debido ao consumo de drogas mantívose estable e logo ascendeu ó redor de 187.000, según estimacións que se fixeron na Oficina das Nacións Unidas contra a Droga e o Delito.

Con motivo da celebración o vindeiro día 26 de xuño do Día Internacional da Loita contra o Uso Indebido e o Tráfico Ilícito de Drogas dende a Asociación Renacer levaremos a cabo na praza do concello, entre as doce da mañá e as dúas da tarde, actividades divulgativas, informativas e de sensibilización co obxectivo de contribuír á construción dun entorno máis saudable, onde non se promocione o consumo de ningún tipo de drogas, ofrecer á poboación xuvenil actividades de ocio gratuítas e animalos a disfrutar e compartir con outros xóvenes alternativas sas para divertirse e sacar proveito do seu tempo libre.

España xunto co Reino Unido e Francia está como líder da UE no consumo de cocaína e cannabis entre a poboación de xóvenes; según os últimos datos do informe anual do Observatorio Europeo das Drogas.

Outro dato relevante deste informe indícanos que o cannabis é a droga ilegal máis consumida en tódolos grupos de idade.

A marihuana tamén coñecida como THC (nome do seu principio activo), e popularmente coñecida como: haxis, hash, maría, peta, canuto, porro…; a pesares de ser ilegal o seu consumo incrementouse nos últimos anos, chegando a ser consumida tres veces máis ca o conxunto de todas as outras sustancias con risco de causar adición.

O Informe Europeo sobre Drogas publicado recentemente, amosámonos que na actualidade os mercados europeos de droga seguen a cambiar e atópanse en rápida evolución (no 2.014 por exemplo encontráronse máis de cen novas sustancias psicotrópicas).

Tódolos datos que se recollen neste informe baséanse na información facilitada polo Observatorio Europeo das Drogas e as Toxicomanías, e nós queremos facervos chegar un pequeno resumo dalgunhas das cousas máis destacadas.

Cada ano, o 31 de maio, a OMS e asociados de todo o mundo celebran o Día Mundial Sen Tabaco, adicado a resaltar os riscos que ten para a saúde o consumo de tabaco e promover políticas eficaces para reducilo seu consumo.

A Sociedade Española de Oncoloxía Médica (SEOM) advirte que o tabaco é a principal causa de máis dunha decena de tumores e que o seu efecto carcinóxeno asóciase entre o 16 e o 40% do cancro en xeral.

Por todo iso sostén que o consumo de tabaco, é un factor determinante de diferentes patoloxías e primeira causa coñecida de mortalidade e morbilidade evitable, sendo o principal problema de saúde pública nos países desenvolvidos.

A porcentaxe de fumadores que abandona o tabaco só ca vontade é do 5%, mentres que no resto esta vontade é un requisito que debe acompañarse dun asesoramento específico.

A facultade de decidir e ordear a propia conduta é un dos factores máis deteriorados nas persoas aditas, e a nicotina como outras sustancias aditivas vai vulnerar a vontade dos fumadores.

Pero DEIXAR DE FUMAR É POSIBLE; e seguindo co lema da SEFAC que o que “empezou cunha calada non acabe cunha vida”

Os españois beben, de media, uns 9,8 litros de alcohol puro por persoa, por riba da media dos países da OCDE que está en nove litros. No caso das mulleres son as españolas con maior nivel educativo as máis propensas a facer un consumo de risco, mentres que nos homes os máis bebedores son aqueles que teñen menos estudos.

A pesar de ter unha das taxas máis baixas de impostos para tódalas bebidas alcohólicas e unha lexislación moi laxa en canto á regulación de patrocinios, advertencias sanitarias sobre produtos alcohólicos España ten certa tendencia á baixa no tocante ao consumo de alcohol en comparación cos 40 países da OCDE que presenta un descenso do 2,5% nos últimos 20 anos.

Reciben o nome de drogas sintéticas aquelas que se fabrican a través de procesos químicos e que, a diferenza da cocaína ou a marihuana, non se obteñen dun vexetal senón a partir de cambios moleculares realizados en laboratorios para lograr resultados psicoactivos. En moitas ocasións, son principios activos abandonados polas industrias farmacéuticas, polos seus efectos indesexables que son rescatados para ser utilizadas como sustancias de abuso.

A fabricación en laboratorios clandestinos e o descoñecemento da súa composición final, convérteas en especialmente perigosas, porque os seus efectos non son claramente previsibles. Estas son distribuídas en forma de pastillas, cápsulas, pos ou líquidos.

Os mozos europeos máis asiduos a bares e discotecas nocturnos recorren ao alcohol como aliado para atopar un compañeiro sexual. A cocaína e o cannabis, pola contra, son as sustancias elixidas para prolongar a excitación. Unha enquisa levada a cabo en varios países comunitarios, entre eles España, pon sobre a mesa o problema sanitario que representa o crecente uso lúdico de alcohol e drogas.

A iniciativa acábase de publicar na revista de acceso libre BMC Public Health, e os seus autores insisten dende o principio en que os seus resultados coinciden cos de traballos anteriores na mesma liña, aínda que non pretenden ser representativos de toda a mocidade europea.

É importante ensinar habilidades sociais para que os/as xóvenes tomen decisións propias, sen deixarse levar unicamente pola presión do seu grupo de iguais, nin actuar por mimetismo levando a cabo condutas polo simple feito de non ser distintos/as aos demais.

A adolescencia é unha etapa de cambios, descubrimentos e de erros, etapa na que se forman os cimentos do que seremos despois. Non tódolos/as xóvenes crecen do mesmo xeito, pero si hai factores comúns que os fan a todos vulnerables. Entre eles un dos máis importantes é o espertar á sexualidade e a busca do propio pracer: os primeiros bicos, aloumiños, relacións.