Menú Principal
Encóntrase en:
Ámbito comunitario
Información, formación, orientación e asesoramento a mozos/as, familias e poboación en xeral
Servizo de información sobre adiccións e o seu tratamento, que funciona de forma permanente no local da entidade.
Charlas formativas-informativas
Actividade encamiñada a traballar a prevención e a sensibilizar a poboación fronte o fenómeno das drogodependencias.
Grupos de formación e apoio
Para dotar as familias de drogodependentes dun lugar no que poder compartir experiencias, traballar as dificultades que normalmente aparecen asociadas o consumo, solucionar problemas, dúbidas e incrementar a súa autoestima.
Apoio e asesoramento psicolóxico
Servizo encamiñado a axudar ós que o precisen a atender as dificultades que se lle presenten en relación co consumo de drogas e o desenvolvemento de control e abordaxe de posibles conflitos e crises.
Atención xurídico-social
Programa de asesoramento e orientación ó drogodependente e á súa familia, no ámbito legal.
Prevención do VIH/SIDA
Programa de prevención do VIH/SIDA e outras enfermidades de transmisión sexual dende unha perspectiva comunitaria, como complemento ó traballo de prevención das drogodependencias.
Programa cambio de sentido
Intervención nas autoescolas para sensibilizar ós alumnos/as sobre alcohol, outras drogas e condución. A actividade desenvolvese ó longo dalgunha das sesións de preparación da parte teórica, incidindo na incompatibilidade do binomio condución e drogas.
