Aparte do preservativo feminino, non existen outros métodos que preveñan tanto de ITS, VIH-SIDA e/ou de embarazo non desexado, se se empregan correctamente. Existen outros métodos anticonceptivos, pero só co fin de evitar o embarazo non desexado.

Debes lembrar, que a principal vía de transmisión do VIH é a través das relacións sexuais sen protección; o mesmo ocorre con outras Infeccións de Transmisión Sexual. En ambos casos, a persoa pode estar infectada e non sabelo, por non presentar síntomas ou pasar desapercibidos, polo que pode transmitilas sen ser consciente. Polo que, o sexo seguro, mediante a utilización correcta do “chuvaskeiro” é a medida preventiva máis eficaz coa que contamos.

Estímase que un terzo de persoas que están infectadas polo VIH non o saben e nos últimos anos estase dando un incremento das ITS, aínda que non se coñecen as cifras exactas por non daren, en ocasións, síntomas.

Nós somos os responsables da nosa saúde!!!