O Ministerio de Sanidade combaterá a imaxe positiva do alcohol que se transmite nos medios de comunicación

· 29-04-2010

Utilizará as redes sociais para difundir mensaxes de concienciación entre os máis novos/as, xa que demostraron ser efectivas e máis baratas.

O Ministerio de Sanidade e Política Social porá en marcha un programa específico de prevención do consumo de alcohol entre menores e embarazadas, que incidirá na sensibilización dos medios de comunicación sobre os perigos de dar unha imaxe positiva da bebida, a través do uso de webs para pais e nais e redes como Facebook ou Twitter para aumentar a concienciación. A iniciativa enmárcase dentro do Plan de Acción sobre Drogas 2009-2012.

Os españois atópanse entre os/as cidadáns da Unión Europea que abusan do alcohol con máis frecuencia.

· 22-04-2010

O 34% dos/as españois confesa beber cinco ou máis copas ó día (limiar utilizado por Comisión para definir o consumo excesivo) polo menos unha vez por semana, fronte ó 29% de media comunitaria, segundo unha enquisa do Eurobarómetro.

O tabaquismo custa ó ano 5.444 millóns ó Estado e 7.840 ás empresas

· 05-04-2010

Os gastos atribuídos ós cigarros en 2008 son de 14.710 millóns e os ingresos por impostos só de 9.266.

O Estado e o Sistema Nacional de Saúde poderían chegar a sumar de 5.444 millóns de euros ó seu aforro de 1.500 en gasto farmacéutico, regulado polo Goberno a pasada semana, cunha adecuada política de prevención e tratamento do tabaquismo. Así o indicou Juan Ruiz Manzano, presidente da Sociedade Española de Pneumoloxía e Cirurxía Torácica (Separ), quen dixo que o importe dos gastos atribuíbles ao tabaquismo en 2008 foi de 14.710 millóns e os ingresos por impostos procedentes do tabaco ese mesmo ano alcanzaron só 9.266 millóns de euros.

Cantos máis anos se fumen “porros”, máis risco de desenvolver psicose

· 02-03-2010

Unha nova investigación australiana realizada con máis de 3.000 mozos e mozas constata unha relación entre o consumo prolongado  de cannabis e un maior risco de desenvolver de psicose.

Este non é o primeiro traballo que asocia o uso desta droga co trastorno psiquiátrico, pero si é o "único que foi levado a cabo ca participación de parellas de irmáns", insisten os autores/as, dirixidos por John McGrath, do Instituto do Cerebro da Universidade de Queensland (Australia). E cun número tan elevado de suxeitos: concretamente, 3.801 mozos e mozas nacidos entre 1981 e 1984 e ós/ás que os científicos/as realizaron un seguimento cando tiñan 5, 14 e 21 anos. Precisamente, a esta última idade, preguntóuselles tanto pola frecuencia do consumo ó longo do último mes (nunca, cada día, varias veces ao día...) como pola idade de inicio no mesmo.

Nova edición da XVI Escola de Pais e Nais da Asociación Renacer

· 01-03-2010

A Asociación RENACER xa puxo en marcha XVI Escola de Pais e Nais a desenrolar ó longo deste ano. Aínda que nalgúns centros xa está en funcionamento é posible a implantación noutros que así o desexen, podendo comezala en calquera momento.

A XVI Escola de Pais e Nais é un espazo de información, formación e reflexión dirixido a pais e nais, sobre aspectos relacionados coas funcións parentais. Un recurso de apoio ás familias con menores para que poidan desenvolver axeitadamente a súas funcións educativas e socializadoras, superar situacións de necesidade e risco,e contribuír a modificacións de condutas e a adquisición de pautas saudables de dinámica familiar.

A primeira pílula anticonceptiva dos "cinco días despois": "EllaOne"

· 15-01-2010

A compañía farmacéutica HRA Pharma comezou no mes de decembro do pasado ano a comercializar en España a pílula de acetato de ulipristal “EllaOne”, un novo método anticonceptivo de urxencia non hormonal eficaz até cinco días (120 horas) despois de manter relacións sexuais sen protección ou se se prodiciu un fallo no método anticonceptivo empregado.

A nova pílula, aprobada pola Axencia Europea do Medicamento en maio de 2009 e dispoñible en España baixo prescrición médica, basea a súa eficacia na modulación selectiva dos receptores da proxesterona, que atrasa ou inhibe a ovulación reducindo o risco dun embarazo non desexado sen producir un aborto farmacolóxico.

De home a home, protéxete

· 08-01-2010

O 40,8% das novas infeccións por VIH rexistráronse en homosexuais, polo que o Ministerio de Sanidade e Política Social lanzou unha nova campaña dirixida a este colectivo:

“Que é no primeiro que te fixas dun home que che gusta?”: Ás respostas habituais dos ollos, a boca, as mans ou o cu, o Ministerio de Sanidade engade outra nova que considera máis importante que todas as anteriores: O peto. Lonxe de calquera connotación materialista, esta nova parte na que pór a mirada ten que ver coa prevención do VIH nos homes que teñen sexo con outros homes. É aí onde deben levar o preservativo.

Fracasa outro xel vaxinal contra a SIDA

· 07-01-2010

O xel microbicida vaxinal PROL 2000, exposto para previr infeccións de VIH en países pobres con reticencias ante o preservativo, non é eficaz para evitar a transmisión do virus, segundo constata un ensaio internacional, no que participaron 16 centros de investigación africanos e europeos, entre eles o Centro de Investigación en Saúde Internacional de Barcelona -Hospital Clínic de Barcelona, dirixido por Pedro Alonso. O ensaio, o maior realizado até a data cun xel preventivo con 9.385 mulleres africanas participantes e durante catro anos, constatou o fracaso deste produto. Nun ensaio anterior, máis pequeno, os resultados foran prometedores.

Comezar o ano cun propósito saudable

· 01-01-2010

Por que non aproveitar o empeño do Ministerio de Sanidade en endurecer a Lei Antitabaco para deixalo?. Aproveite o comezo deste ano 2010 tirar ó lixo ese paquete de tabaco que aínda ten e así comezar este novo cuns pulmóns máis limpos e un corazón máis san. Si é vostede un dos millóns de españois que se propuxo abandonar esta adicción en 2010, aquí van algunhas claves que poden axudarlle.

Reforma da Lei Orgánica de Saúde Sexual e Reprodutiva

· 21-12-2009

O Pleno do Congreso aprobou o pasado xoves 17 de novembro o proxecto de reforma da Lei Orgánica de Saúde Sexual e Reprodutiva e da Interrupción Voluntaria do Embarazo, que sitúa nos 16 anos a maioría de idade para decidir sobre a interrupción do embarazo e liberalízao ata as 14 semanas, con 184 votos a favor, 158 en contra e unha abstención. Xa se presentara sobre a mesma un anteproxecto no mes de maio deste mesmo ano.