Novas

OEDA 2020

14-04-2021

Descende o consumo de alcohol, tabaco e cannabis durante a pandemia

O consumo de alcohol, tabaco e cannabis descendeu dende o inicio da pandemia provocada pola COVID-19 no noso país, mentres que o uso de hipnosedantes sen receita e o consumo de horas de internet por diversión aumentou lixeiramente, o  xogo  online permaneceu sen cambios. Estas son as principais conclusións do estudo realizado polo Observatorio Español das Drogas e as Adiccións ‘OEDA-COVID 2020’ da Delegación do Goberno para o Plan Nacional sobre Drogas.

A enquisa é de carácter representativo sobre o impacto da pandemia provocada pola COVID-19 no consumo de drogas e adiccións sen substancia na poboación española, foi realizada telefonicamente a unha mostra aleatoria de máis de 8.000 persoas de entre 15 e 64 años, á que se suman preto de 900 persoas de 65 e máis anos residentes en todo o territorio nacional.

Problemas co alcohol

27-07-2020

COMO AXUDAR A UNHA PERSOA CON PROBLEMAS DE ALCOHOL

Axudar a unha persoa que padece o Síndrome de dependencia alcohólica é unha tarefa complicada; na maior parte dos casos son os familiares máis cercanos os que precisan de coidados e atención psicolóxica que lles axude a entender o que está a suceder e a sobrelevar do mellor xeito posible a dependencia dese membro da familia.

Lembremos que aínda que é unha persoa a que está abusando da substancia esta dependencia atrapa a todo o grupo familiar, debido ás directas consecuencias psicolóxicas sobre todos eles/as.

O  uso do alcohol, como todos e todas sabemos, está moi normalizado na nosa sociedade, de feito case non hai encontros, comidas, ceas ou banquetes nos que esta substancia non faga presenza. Ademais case sempre se asocia con momentos felices e de desconexión e isto supón un impedimento á hora de entender os problemas que pode acarrexar.

A todo isto engádese o feito de que soe ser moi difícil ver esa fina liña que separa á persoa con dependencia alcohólica daquela que aínda non a  ten adquirida.

DORNA 2020

11-07-2020

CAMPAÑA DE REPARTO DE PRESERVATIVOS

Un ano máis acércase o 24  de xullo, aínda que nesta ocasión a LXXII Singladura (a sinjladura reVIRada) está especialmente marcada pola situación que estamos a vivir, derivada das consecuencias da COVID-19.

Ditas circunstancias determinaron que nesta ocasión, este ano, as actividades que se ían levar a cabo non se vaian a desenvolver, pero a campaña de reparto de preservativos para previr as enfermidades de transmisión sexual e embarazos non desexados segue en pé.

COVID-19 E ALCOHOL

22-05-2020

COVID -19 E O ALCOHOL

Para afrontar a pandemia do COVID-19 (a nova enfermidade causada polo coronavirus), todos e todas debemos adoptar medidas para deter a súa propagación. Por iso, nestas circunstancias críticas, é esencial que toda a poboación estea informada correctamente sobre todos os riscos e perigos para a saúde, coa finalidade de manternos saudablemente.

Por todo isto, dende a nosa asociación queremos, unha vez mais, aportar a nosa axuda abordando un tema que nos preocupa: A información errada e a gran cantidade de bulos que están a circular polas redes sociais e outra canles de información acerca do alcohol e o coronavirus.

Lembremos en primeiro lugar que as bebidas alcohólicas non son un compoñente imprescindible da alimentación, polo que non deberían ser unha prioridade na lista da compra; así mesmo o consumo das mesmas non axuda a afrontar o estrés nin as situacións que poidan xerar certa ansiedade e/ou temor como o que poidamos percibir ante situacións novas e impredecibles.

Pola contra o consumo de alcohol aumenta os síntomas de ansiedade, angustia e depresión, ademais do risco que conleva de violencia doméstica e intrafamiliar (a cal aumentou nestes últimos meses)

Decálogo

13-04-2020

DECÁLOGO PANTALLAS DURANTE CORONAVIRUS

Tal e como se deriva dos últimos informes feitos pola OMS e se recolle na vixente Estratexia Nacional sobre Adiccións 2.017-2.024, elaborada polo Ministerio de Sanidade, hoxe en día as "Adiccións comportamentais" (Emprego problemático de Internet e redes sociais, adicción a videoxogos, ludopatía); están suscitando unha crecente preocupación social. Dita preocupción demanda aos profesionais da psicoloxía, educación e saúde en xeral un papel máis activo na axuda ás familias.

Coronavirus

01-04-2020

ADICCIÓNS E CORONAVIRUS

Expertos en adiccións advirten que o confinamento decretado polo actual estado de alarma podería incrementar o risco de que as persoas a tratamento por algunha adicción teñan unha recaída debido a situación que estamos a vivir.

Como explica Gloria González, especialista do centro ITA Adiccións, o aburrimento e a frustración son uns dos motores de risco para que unha persoa con adicción repita esas conductas.

Así mesmo, o illamento e todas as medidas preventivas están removendo moitas emocións como a tristeza, o que pode provocar que afloren certas emocións internas que aumenten o malestar e aumentar o risco da recaída.

efectos do cannabis no cerebro

13-03-2020

OS EFECTOS DO CANNABIS NO CEREBRO

As últimas investigacións científicas demostran que o consumo habitual de cannabis provoca cambios estructurais no tecido cerebral, posto que produce alteracións que conducen a un deterioro da memoria, atención, percepción, coordinación e concentración.

Ditos cambios vanse traducir nun empeoramento do rendimento persoal, social e laboral, con afectacións emocionais e físicas.

Risco cero

24-02-2020

"Risco cero nas Enfermidades de Transmisión Sexual"

As prácticas sexuais de risco están repuntando e aparecen de novo enfermidades e infeccións de transmisión sexual que xa estaban erradicadas.

O pasado xoves 20 de marzo presentouse no Colexio Oficial de Médicos da Coruña unha aplicación móbil gratuíta chamada Risco Cero, a cal ofrece información veraz ós xóvenes sobre métodos de anticoncepción, prácticas sexuais seguras e prevención para evitar as enfermidades de transmisión sexual.

sidaCartel

01-12-2019

DíA MUNDIAL DA SIDA

"Transmite Respecto" é o lema da campaña deste ano do Día Mundial da Sida, cuxo aniversario se celebra sempre o día 1 de decembro.

A campaña deste ano busca eliminar as barreiras ás que se enfrontan as persoas coa infección por VIH, entre elas a da discriminación.

O Día Mundial da Sida é unha xornada para concienciar á sociedade fronte á infección; e conta co apoio da Asemblea Mundial da Saúde, a Organización das Nacións Unidas para a SIDA (ONUSIDA) , gobernos, comunidades e persoas de todo o mundo.

Estudes

21-11-2019

Enquisa sobre Uso de Drogas en Ensinos Secundarios en España (2018-2019)

Presentouse a XIII edición da Enquisa sobre Uso de Drogas en Ensinos Secundarios en España (ESTUDES 2018-2019). A enquisa realízase a estudantes entre 14 e 18 anos.

Entre os datos máis significativos que proporcionou esta última edición destacan:

  • Por primeira vez, a enquisa recolle o consumo de videoxogos: o 82,2% di xogar a videoxogos no último ano
  • O 48,4% dos estudantes de 14 a 18 anos probou cigarros electrónicos, fronte ao 20,1% de 2016.
  • Desde 2010, a percepción de risco do cannabis é menor que a do tabaco.

  • O consumo de alcol recente descende (do 67% ao 58,5%), pero aumentan as bebedeiras no último mes (a 24,3% fronte ao 21,8%)

  • O consumo de cocaína alcanza mínimos históricos: menos do 1% dos mozos recoñece consumila no último mes