Sobre a situación actual

· 10-05-2011

Nos programas de todas as formacións políticas que se presentan ás eleccións ao Concello de Riveira atopamos referencias á importancia de que a mocidade teña un espazo importante no Concello potenciando actividades lúdicas, deportivas, culturais, etc.

O que todos e todas queremos é unha mocidade sa, con posibilidades de desenvolvemento persoal, cun futuro mellor. E para iso pensamos, desde Renacer, que a información é un alicerce fundamental para a educación dos nosos mozos e mozas. De aí a importancia que dende a nosa Asociación, ao longo de 20 anos, déuselle ás actividades preventivas.

Nicotina e cocaína deixan unha marca similar no cerebro tras a primeira exposición

· 06-05-2011

Os autores/as descubriron que os efectos da nicotina en rexións cerebrais implicadas na adicción son similares aos da cocaína.

Nicotina e cocaína deixan unha marca similar no cerebro tras a primeira exposición, segundo un estudo do Centro Médico da Universidade de Chicago en Estados Unidos que se publica na revista "The Journal of Neuroscience". Os autores/as descubriron que os efectos da nicotina en rexións cerebrais implicadas na adicción son similares aos da cocaína.

O traballo mostrou que unha única exposición de 15 minutos á nicotina causou un aumento a longo prazo na excitabilidade das neuronas implicadas na recompensa. Os resultados suxiren que a nicotina e a cocaína provocan mecanismos similares de memoria no seu primeiro contacto e crean cambios duradeiros no cerebro da persoa.

O Goberno adiantará a prevención do alcohol aos nenos/as de nove anos

· 12-04-2011

Preocupa o incremento do consumo en menores, a partir de 12 anos. Isto fai insuficiente dirixir a prevención cara aos/as adolescentes. Insiste en "certa permisividade nas familias, na que hai que traballar". Propón vixiar aos supermercados e que os/as menores non fagan botellóns.

A delegada do Goberno para o Plan Nacional sobre Drogas, Nuria Espí, anunciou que o Executivo adiantará a prevención sobre o consumo de alcohol ao ensino primario (nenos/as de 9 a 10 anos), tendo en conta que o inicio no seu consumo é cada vez máis temperán.

Desvelan como a marihuana afecta as emocións

· 08-04-2011

Os resultados do estudo, que se publican na revista “Journal of Neuroscience”, poderían tamén explicar o posible vínculo entre o uso da marihuana e a esquizofrenia.

Investigadores da Universidade de Ontario Occidental en Canadá descubriron un mecanismo cerebral crítico responsable dos efectos das drogas cannabinoides sobre como o cerebro procesa a información emocional. Os resultados do estudo, que se publican na revista "Journal of Neuroscience", poderían tamén explicar o posible vínculo entre o uso da marihuana e a esquizofrenia.

A Lei Antitabaco consegue en tres meses diminuír os infartos de miocardio e as crises asmáticas

· 04-04-2011

Segundo estimacións do Comité Nacional para a Prevención do Tabaquismo, ao longo do ano deixarán de fumar en España unhas 400.000 persoas.

Nos tres primeiros meses do ano produciuse un descenso no número de ingresos hospitalarios por infartos de miocardio e enfermidades respiratorias agudas, sobre todo crises asmáticas que, segundo asegura o Comité Nacional para a Prevención do Tabaquismo (CNPT), están “directamente relacionadas” coa entrada en vigor da Lei Antitabaco, o pasado 2 de xaneiro.

Próbao en feminino: campaña para a promoción do uso do preservativo feminino

· 29-03-2011

O Ministerio de Sanidade, Política Social e Igualdade e o Consello Xeral de Colexios Oficiais de Farmacéuticos presentaron  o 28 de marzo unha campaña conxunta para a promoción do uso do preservativo feminino na poboación. Esta iniciativa é un paso máis do Ministerio no seu compromiso coa prevención dos embarazos non desexados e a protección fronte ao VIH e outras infeccións de transmisión sexual (ITS).

A campaña forma parte dunha estratexia conxunta coordinada desde a Secretaría do Plan Nacional sobre a SIDA do Ministerio de Sanidade, Política Social e Igualdade coa colaboración do Consello Xeral de Colexios Oficiais de Farmacéuticos.

• Fomentar o coñecemento do preservativo feminino na poboación xeral.

• Dotar ás persoas que traballan en oficinas de farmacia dunha información básica para que presenten o preservativo feminino dunha forma positiva.

• Promover a prevención do VIH desde a rede asistencial de farmacias españolas.

O consumo de cocaína cuadriplica o risco de infarto en menores de 55 anos

· 28-03-2011

Este risco multiplícase por sete cando o consumidor/a non supera os 45 anos, segundo un estudo do Hospital Clínic de Barcelona.

A Sociedade Española de Cardioloxía (SEC) alerta de que o consumo de cocaína resulta un problema social e médico crecente en España, e que debe tomarse cada vez máis en consideración á hora de diagnosticar ó/á paciente.

Un estudo realizado recentemente no Hospital Clínic de Barcelona apoia esta teoría cun alarmante dato, pois, tras avaliar a todos os/as pacientes atendidos/as na Unidade de Dor Torácica durante un ano (3.363 persoas), detectaron que os individuos menores de 55 anos que inxeriran este estupefaciente, presentaban un risco catro veces maior do habitual de presentar un infarto de miocardio. Outros grandes estudos afirman, mesmo, que este risco se multiplica por sete en pacientes que non superan os 45 anos, polo que o risco parece que aumenta e resulta máis prevalente canto máis novo/a é o/a paciente.

España é o país de Europa onde se consome máis cocaína por habitante

· 16-03-2011

Segundo un organismo da ONU, o 3,1% da poboación de 15 a 65 anos consome este tipo de droga. Séguenlle Reino Unido e Italia.

España é o país europeo onde máis cocaína se consome por habitante, por diante do Reino Unido e Italia, segundo destacou en Viena a Xunta Internacional de Fiscalización de Estupefacientes (XIFE). No seu informe anual de 2010 afirma, utilizando datos do Observatorio Europeo das Drogas, que a prevalencia anual do consumo de cocaína en España é do 3,1% entre a poboación de 15 a 64 anos.

A relaxación fronte á SIDA incrementa os casos de sífilis

· 13-03-2011

A sífilis, unha enfermidade de transmisión sexual, non só está repuntando tras anos nos que se consideraba erradicada, senón que «o perfil do/a paciente está a expandirse», sinala Eduardo Fonseca, xefe do servizo de Dermatoloxía do CHUAC.

A evolución recente desta infección, do mesmo xeito que outras de transmisión sexual, está directamente vinculada segundo os/as especialistas á do descubrimento do VIH. A súa aparición determinou nos 80 que a sífilis practicamente deixásese de reflectirse no mapa de enfermidades de declaración obrigatoria. Décadas despois «a desaparición do medo á SIDA fixo que rexurda, pérdese o temor a unha enfermidade que tende a converterse en crónica e reláxanse os métodos de protección para todas as enfermidades de transmisión por vía sexual», explica o facultativo.

Dependes da nicotina?

· 22-02-2011

Un estudo, elaborado polo equipo do profesor da Universidade de Santiago de Compostela Elisardo Becoña, recolle un test de seis breves preguntas a través das cales pode saber un fumador/a se é dependente da nicotina.

Para que un fumador/a saiba se é dependente da nicotina ou non, abonda con que responda a seis preguntas. Desta forma, e a través dunha escala elaborada polo equipo do profesor Elisardo Becoña, que dirixe a Unidade de Tabaquismo da Universidade de Santiago de Compostela, pódese ter acceso unha información que o experto considera de gran relevancia á hora de elixir o tratamento máis adecuado para cada paciente.