Sobre as Infeccións de Transmisión Sexual

Encóntrase en:

As Infeccións de Transmisión Sexual non teñen por que formar parte da sexualidade, xa que existen estratexias e ferramentas para mantelas ó marxe da nosa vida. Para o que é importante que planifiques as túas relacións sexuais e te informes. Non significa en que teñas que converterte nunha persoa experta en ITS, é suficiente con que as coñezas en xeral e os seus mecanismos de transmisión, os síntomas que poden facerte sospeitar, como previlas, .. Aquí van algunhas ideas que poden axudarche.

¿Que son as ITS?

Son infeccións que xeralmente se adquiren a través de prácticas sexuais cunha persoa infectada. Outras ITS non se adquiren necesariamente a través da relacións sexuais, pero poden transmitirse por ese medio á parella.

Están causadas por organismos que viven en fluídos corporais, como a sangue, o seme e as secrecións vaxinais. A través deste fluídos poden pasar dunhas persoas a outras.

Ademais, poden afectarnos repetidamente por que non xeran inmunidade e non hai vacinas contra elas.

Entre as ITS máis frecuentes atópanse ó VIH (que falaremos máis adiante), a Sífilis, a Gonorrea, a Clamidia, o Herpes Xenital, Virus do Papiloma Humano, e a Hepatite B. Se queres ampliar información mira os folletos que tes nesta mesma páxina.

¿Como se manifestan?

Os síntomas máis frecuentes que deben facerte pensar que contraíches unha ITS son:

NAS MULLERES:

Fluxo anormal na vaxina con ou sen cheiro desagradable.
Ulceras, ronchas, verrugas ou ampolas cerca dos xenitais, ano ou boca.
Inflamación dun ou máis ganglios cerca á úlcera.
Dor na zona pélvica.
Prurito ó redor dos xenitais.
Ardor ó ouriñar ou defecar.
Sangrado pola vaxina sen que sexa pola menstruación ou tras unha relación sexual.
Dor na vaxina durante as relacións sexuais, de aparición repentina.

NOS HOMES:

Secreción pola uretra.
Úlceras, ronchas, verrugas ou ampolas cerca dos xenitais, ano ou boca.
Inflamación dun ou máis ganglios cerca á úlcera.
Dor e inflamación nos testículos.
Prurito ó redor dos xenitais.
Ardor e dor ó ouriñar ou defecar.

Ante a sospeita ou un diagnóstico, ¿que facer?

SE SOSPEITAS QUE PODES TER UNHA ITS....

Afrontalo, non mirar cara a outro lado coma se non pasase nada.
Buscar atención médica. Acode, canto antes, ao teu médico de cabeceira ou a recursos especializados.
Non automedicarse.

SE ME DIAGNOSTICAN UNHA ITS....

Os tratamentos para as ITS non adoitan ser dolorosos nin custosos. Canto antes te poñas en tratamento existen menos riscos de ter problemas permanentes.
Segue as prescricións do persoal médico.
Avisa á túa parella ou ás persoas coas que tiveches relacións sexuais recentemente. Infórmaas da túa enfermidade e da posibilidade que teñen de padecela, mesmo se non presentan síntomas. Recomenda que acudan ao médico. elas tamén teñen dereito a tratarse.
Non interromper o tratamento porque desaparecen os síntomas.

¿Como previlas?

Nas relacións sexuais con penetración vaxinal e anal, é necesario empregar preservativos.
Nas relacións sexuais orais (felación e cunnilingus), tamén existe risco de infección para a persoa que estimula coa súa boca os xenitais da outra.
Se queres gozar destas prácticas sexuais, sen que supoña un risco para a túa saúde, debes, no caso dos mozos, utilizar preservativos, e no caso das mozas un preservativo aberto, ou un cadrado de papel filme transparente de cociña que sirva de barreira entre a boca e os xenitais femininos.
Evita manter relacións sexuais se ti ou a túa parella teñen síntomas que poden facer pensar nunha ITS.

Sexo seguro
Nivel risco	Tipo conduta sexual	Que podes contraer	Como reducir o risco
Risco moi baixo	Bicos con lingua	Arrefriados, gripe e hepatite B.	Coa vacina da hepatite B. Senón te lías cando alguén ando esta enfermo/a.
Risco baixo	Masturbación mutua	Nada se non teñen cortes nas mans nin lesións nos xenitais. Pero se as tes e falo con alguén que ten VIH, corres o risco se o seme ou o fluxo vaxinal infectado penetre na túa corrente sanguínea.	Usando látex ou plástico filme transparente de cociña.
Risco moderado	Sexo oral a un home	Herpes, SIDA, hepatite B, gonorrea, sífilis, condilomas	Usando condón
Risco moderado	Sexo oral a unha muller	Herpes, SIDA (o risco é menor que nun home, pero segue sendo posible), hepatite B, gonorrea, sífilis, condilomas.	Usando un condón feminino, cadro de látex ou plástico filme transparente de cociña.
Alto risco!!!!!!!	Coito vaxinal	Herpes, SIDA, hepatite B, gonorrea, sífilis, clamidia, condilomas. E o embarazo.	Usando condón e espermicida.
Alto risco!!!!!!!	Sexo anal	Herpes, SIDA, hepatite B, gonorrea, sífilis, clamidia, condilomas.	Usando condón e espermicida.